منتدى الفرح المسيحى - الشجاعه المزيفه

كان فى جندى شجاع جدا فى الحرب
وكان هو من يتقدم اى معركه
وكان دائما فى المقدمه اول صفوف الجنود
القائد فرحان به جدا وكان بيقول
يا سلام لو عندى كام واحد
عنده شجاعه الجندى ده كنا
نضمن النصر فى اى معركه
وبعد فتره لاحظ القائد الجندى
ظهر على وجهه التعب
لكنه كان دايما متقدم الجيش
وباقى الجنود فى الحرب
فساله عن السبب فقاله
انا مريض بمرض خطير جدا
فحزن عليه القائد وبعته لاكبر
الاطباء فى البلد علشان يعالجوا
هذا الجندى الشجاع المقدام
وفعلا نجحوا انهم يعالجوه من مرضه
الخطير وابلغوا القائد
ففرح جدا لكنه بقى مش شايف
هذا الجندى فسأل عليه
فقالوله ده اخر الجنود فقاله القائد
ليه مش موجود مكانك
فقاله يا سيدى القائد انا كنت
بهذا المرض ميت ميت
فقولت اموت وانا شهيد او اى موته تانيه
لانى كنت هموت بهذا المرض الخطير
لكن انا حاليا بكامل صحتى فخايف على حياتى
فحزن القائد على الجندى
صاحب الشجاعه المزيفه
فهو لم يدافع عن وطن
او مبدأ لكنها شجاعه مزيفه