منتدى الفرح المسيحى - حتي لا ننسي شهداؤنا المعاصرين تذكار الميلاد السمائي الثالث لشهداء المقطم

حتي لا ننسي شهداؤنا المعاصرين
تذكار الميلاد السمائي الثالث لشهداء المقطم
٨ مارس ٢٠١١
شهداء هدم كنيسة أطفيح

https://fbcdn-sphotos-g-a.akamaihd.n...57706038_n.jpg
تحل هذه الايام الذكرى السنوية الثالثة لشهداء المقطم وهم تسعة شباب اقباط ...
كان ياما كان في الشهر التالت من العام وهو شهر الربيع والورد والجناين في ذلك الشهر قام البعض بهدم كنيسة في قرية صول باطفيح وكانت النية ان تنقلب جامع وان تبني الكنيسة برة البلد خرج الاقباط وقالوا ازاي يا بلد
ومن ضمن اللي خرجوا أقباط ساكنين في الجبل والجبل اسمه المقطم
خرجوا عزل صلبان خشب وقلوب من دهب
لكن ما كانوش يعرفوا ان الموت مستني في سفح الجبل
وقال اللي شافوا ان النار اتفتحت من كل حتة و رصاص قناصة وناس عاملة كماشة ومفيش مهرب
ناس ماتت بالرصاص وبيوت انحرقت بالجاز وحاجات ياما حصلت ومفيش ولا متهم للان يا إخوة ..
وقال البعض ان الجيش متورط او متواطىء وان الضرب كان من ناحيته .. والرصاص كان فى مقتل ..وفي الصورة الشهدا التسعة اللي ماتوا برصاص الغدر في مارس من سنتين ومن ساعتها يا تري كام واحد مات ؟
ماتوا في عمر الزهور بس الزهور مش بتموت وهي خلاص بتطلع في الروح بتنشر عبيرها وريحتها في كل مكان وترسم ع الوشوش بسمة بأجمل الالوان
ولادنا دول زهور وهما بيموتوا علي اسم المسيح قدموا اجمل ثمارالان يمر عليهم ثلاث اعوام .. وهما دلوقت فى احسن حال فى فردوس النعيم مع الشهدا الابرار