منتدى الفرح المسيحى - فوق القباب بصوا شوفوا الست العذراء منورة

فوق القباب بصوا شوفوا الست العذراء منورة
واقفة بتطل ست الكل الست العذراء الجوهرة
يا ست يا عذراء يا جوهرة

رتلوا يا صبايا وقابلوها قيدوا الشموع وزفوها
هاتو الزهور ورشوها وبنعمة ربنا هنوها
دى الست العذراء الجوهرة

يا عذراء نورك دا هدانا من المهالك نجانا
ثبت إيماننا وقوانا خليكى دايمًا ويانا
يا ست يا عذراء يا جوهرة

ست العذراء واقفة معانا بنورها الساطع سمعانا
واقفة بتشفى مرضانا وقلوبنا كلها فرحانة
يا ست يا عذراء يا جوهرة

يا رب من الشر أنقذنا اغسل قلوبنا وسامحنا
طالبين معونتك تنقذنا بشفاعة أم مخلصنا
يا ست يا عذراء يا جوهرة

سايبين ديارنا وبيوتنا جايين نزورك بقلوبنا
اشفعى وشوفى دموعنا من الخطايا اشفى قلوبنا
يا ست يا عذراء يا جوهرة