منتدى الفرح المسيحى - مكتوب عليها ملاكى

سيبك من مجتمع كل اللى فى ثقافته ان جواز البنت سترة ،

وبينسى ان ربك هو الوحيد اللى بيسترك النهاردة وبكرة .

سيبك من مجتمع تعريف الفرح عندة لما يكون اﻷبيض فستانك ،

مجتمع لما هتختارى غلط هيلوم قرارك وهيكون هو سجانك.

مش بقولك ما تتجوزيش ...لكن اتأنى.. فكرى ..انضجى.. ومتتسربعيش .

اوعى تقبلى تتجوزى تحت مبدأ ضل راجل ولا ضل حيطة ،

ولا تحزنى وتكشرى لو جوازك اتأخر .

الجواز مش هو هدف أهداف الحياة ولو فاتك يبقى فاتك قطر الأمل يا ولداه !!!

الجواز مجرد مرحلة فى خطة حياتك
ممكن تيجى بدرى ، ممكن تتأخر ، وممكن متجيش .

المهم تكملى حياتك بالهدف اللى ربنا خلقك علشان تحققيه.

خلى عندك أسبابك وأقتناعتك فى كل قرار بتاخديه ،
واتأكدى منه لما تشاركى ربنا بيه .

وخلى عندك حلم وطموح تحاربى علشان تحققيه

وانسى كلام الناس دة احيانا كتيرة الشيطان بيحاربك بيه.

حياتك مش لازم تكون نسخة من حياة كل البنات

★★حياتك دى ملكيتك الخاصة مكتوب عليها ملاكى مش نقل عام ★★