منتدى الفرح المسيحى - انتي مستغربة كده ليه !!

لقيت بنت في أولى ابتدائي كده طالعة الدور بتاع اعدادي و ذانوي و عمالة تكلم نفسها

مشيت وراها لحد ما لقيتها دخلت الحمام و راحت ناحية الكولدير و فضلت متنحة

فضلت أراقب هي بتعمل ايه .. لقيتها بتشب عشان تملى مية من الكولدير

فدخلت أساعدها لاقيتها مستغربة .. قولتلها هاتي املالك الزمزمية ف ادتهالي !!

قولتلها انتي مستغربة كده ليه !!

قالتلي أصل و انا طلعة ع السلم قولت يا رب اطول الكولدير و ما أغرقش نفسي أو حد طويل يملالي الزمزمية

أصل ماما قالتلي لما متعرفيش تعملي حاجه قولي ل ربنا و هو هيعملهالك و هو عملهالي