منتدى الفرح المسيحى - اشمعنا انا ؟؟؟؟؟؟؟

أوقات كتيرة أوي بتحصل حاجات في حياتنا بنبقى مش شايفين ولا فاهمين اللي حصل دا حصل ليه واشمعنى في الوقت دا ما الدنيا كانت ماشية كويس وعلى طول نقول اشمعنى أنا يا رب يعني اللي سبته يحصل فيه كدا.....

سنة 1983 في عملية قلب مات لاعب تنس مشهور أوي اسمه "أرثر أش" بعد ما جالة إيدز اتنقل ليه من دم ملوث... وبعد ما جاله الإيدز حد بعتله رسالة بيقوله "ليه ربنا اختارك انت بالذات عشان يجيبلك المرض دا وأنت حد ناجح ومحبوب"
رد أرثر وقال : في العالم بيبدأ أكتر من 50 مليون طفل في لعب التنس، منهم 5 مليون بس بيتعلموا التنس... 50 ألف منهم بيحترفوا التنس ويتشهروا... 500 وصلوا لبطولة الجراند سلام... 50 وصلوا لبطولة الويمبلدون... 4 بس يوصلوا للدور القبل النهائي.. و 2 بس للدور النهائي.....
وأنا لما مسكت الكاس بتاع البطولة بإيديا من وسط الـ 50 مليون طفل اللي حبوا التنس زي ما أنا حبيته... مسألتش ربنا ساعتها ليه اختارني أنا من بين الملايين عشان أخد الكاس وأمسكة بإيديا.. يبقى النهاردة وأنا مريض مش ممكن هسأله اشمعنى أنا...