منتدى الفرح المسيحى - على فكره احنا كلنا سلبيين

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - على فكره احنا كلنا سلبيين (https://www.chjoy.com/vb/showthread.php?t=249018)

على فكره احنا كلنا سلبيين

على فكره احنا كلنا سلبيين

اه ماتستغربش

احنا كده فعلا

وهاقولك الدليل على كلامى

اما مش اشارك فى المنتدى بموضوعات

واقول ان اللى موجودين كفايه

طب ماهى دى سلبيه

بلاش تكون سلبى

خليك ايجابى

ممكن الموضوع اللى هاتكتبه

مايفرقش معاك

بس ممكن ينقذ انسان

خليك ايجابى

كمان ردودك على الموضوعات
بكلمة شكرا دى سلبيه

هاتقولوا لى ازاى

هاقولك مثلا موضوع فى منتدى الروحيات

اقول ايه الجزء اللى شدنى واللى افادنى

وبعدها اشكر العضو لكن شكرا دى معناها

انك ماقرتش الموضوع

خليك ايجابى

فى اى قسم واى موضوع بلاش تقول شكرا بس

ومثلا

هاتسألونى ليه مابقتش بعمل دروس فوتوشوب

بسبب كلمة شكرا

واما اشوف تصميم او موضوع والكل يدخل يشكرنى

ومافيش حد يدخل يقول اى ملاحظه يبقى كده

اكيد انا فىّ حاجه غلط

انقدنى بس خليك ايجابى

انقدنى نقد يبنينى

يضيف لى

ممكن اكون مش واخد بالى من حاجه

وانت بكلامك تخلينى اخد بالى منها

خليك ايجابى

مش بتشجع اخواتك فى المنتدى

او حتى فى حياتك

طب ما هى دى سلبيه

ممكن رساله صغيرة منك

تقوله شكرا على تعبك ونشاطك وخدمتك

مش هايفرق معاك الكلام ده

بس هايفرق معاه كتير اوووى

طب ليه ماكنش ايجابى واعمل كده

خليك ايجابى

عاوزين كلنا نبقى ايجابيين

ونرفع شعار

لا للسلبيه كن ايجابيا