منتدى الفرح المسيحى - مارجرجس و أطفال بيت لحم

واحدة ست غير مسيحية كانت بتشكى لأحد الآباء بكنيسة مارجرجس بأحدى مدن الصعيد و بتقول :
فى يوم صحيت على صوت دوشة لأولاد فى الشارع جنب الكنيسة وكانوا بيطلعوا و يدخلوا من باب الكنيسة الخلفى وفضلت أزعقلهم ، فمحدش رد عليا لدرجة إنى فكرت أبلغ الشرطة كنوع من التخويف وبصيت لقيت ظابط جاى على حصان فرحت بس استغربت من أمتى الظباط دلوقتى بتركب حصان !! ولكنه بدل مايسكتهم فضل يلاعب فيهم و يركبهم على الحصان !! فأنا جاية أشكيلك منهم ياجناب أبونا
مع العلم أن الكنيسة دى على اسم مارجرجس و فيها رفات أطفال بيت لحم والباب اللى بتحكى عليه الست دى أصلاً من جوة الكنيسة مقفول بالطوب !! ومبنى عليه حضن الآب فى الهيكل وأصلاً الشارع دا كله مفهوش أى باب يدخل على الكنيسة لأنها على شارعين !!
طبعا الظابط اللى شافتة الست الغير مسيحية كان امير الشهداء مارجرجس الرومانى والاطفال اللى كان بيلاعبهم ويركبهم على الحصان هم اطفال بيت لحم اللى رفاتهم فى الكنيسة بركة وشفاعة وصلوات امير الشهداء واطفال بيت لحم مع جميعنا .امين.