منتدى الفرح المسيحى - انا زعلان جدا م الفيس

انا زعلان جدآ م الفيس ..
علشان خلا مشاعري مجرد
دلوقتي إيموشن ف الشات
حتي كلامنا خلاص بقي ساكت ،
وبنتكلم كومنتات
ولا نملك غير بس "كيبورد"
وأخرنا بنعمل لايكات
انا زعلان جدآ م الفيس ..
علشان خلا كلامنا مجرد
كوبي بيست ومفيهوش إحساس
علشان خلا الدنيا ف شاشة
ده انا شكلي نسيت شكل الناس
ده انا حتي ف ساعة ما بدمع
بعمل وش اصفر وخلاص
انا زعلان جدآ م الفيس ..
علشان خلا اللي يكلمني
بقي في حاجز بيني وبينه
وإزاي هحضن حد واحشني
وإزاي عيني هتيجي ف عينه
وإزاي نعرف بعض بجد
وإحنا فريند علي الفيس بوك
حتي دموعنا ف وقت فراقنا ، مبقتش بتنزل دلوقتي
ما إحنا بنتفارق ب "بلوك" !

"مينا مجدي"