منتدى الفرح المسيحى - توجتك في مملكتي اميره

توجتك في مملكتي اميره
وبقيت واقع في حيره
وبسهر ليالي كتيره
علشان اتأمل في عيونك
لو كل الناس حبتك
عمرها ما هتحبك قدي
واراهن واكسب بتحدي
مين يعشقك قدي
ومين يكون مجنونك
حطيت تاج الحب راسك
ومعاه قلبي هديه
علشان يحس احساسك
عارفه لما تتمني نجمه
وتصحي تلاقيها في اديكي
اهي دي كانت امنيه
واتحققت معاكي وبيكي
في مملكتي مافيهاش غيرك بس
انتي الي قدامي وكل شيء يتحس
والباقي مبشفهوش
والعمر واحد قررت اعيشه معاكي
ولو قولتي اسيبك وانساكي
انا ماعشهوش
زمان قالو لو ايدك طالت حاجه جميله
امسكها جامد خبيها في عيونك شلها واحميها
علشان متتعوضش وتبقي خسران
وانا علي حبك مش ندمان
ومعاكي بحس ان انا غرقان
في حبك
خليني احس اني ملاك طاير جنبيكي
يكفيني ابص بس في عنيكي
واحضن قلبك
زي الملايكه علي هيئة بشر
الحنيه والحب الي فيكي انتشر
ميقولوش انك بشر
يقولوا ملاك عايش وسطنا
وكانه واحد مش مننا
زي مايكون الحب اتخلق
علشان نكون مع بعضنا

بقلمي :)