منتدى الفرح المسيحى - سامع خبط الباب

عارفه لما تروحي عيد ميلاد بتاع واحده صاحبتك ...

وتلاقي كل واحده رايحه بخطيبها او بجوزها او بحبيبها ..

وانتي للأسف حبيبك يقولك اسبقيني انتي وانا هاجي وراكي علي طول

طول مانتي في عيد الميلاد وسط الدوشة والزحمة والصوت العالي بيبقي نفسك تقوليلهم وطوا شوية صوت المزيكا علشان اسمع صوت خبطه حبيبي لما يجي
كده مش هنسمعه وهيمشي

تقريبا بتبقي انتي الوحيده اللي مركزة مع خبط الباب اكتر منهم ..

لأنك مستنياه لكن هما مش مستنينه

نفس النظرية دي بردو ..

كلنا في حفلة العالم ...

كل واحد مركز مع حاجه بيبحها ..

سواء حبيب او منصب او مال او شهرة ..

محدش هيسمع صوت خبطه ربنا علي قلبه

ولا حتي حد هيهتم يسمعها غير اللي مستنيه بس ..

كم واحد مستني ربنا فينا !!

أنا اول المشغولين للأسف وبعاتب نفسي بصوت عالي

من كتابات مايكل سامي