منتدى الفرح المسيحى - مطلوب القبض على الثورة/مينا مجدى

وعشان ولا حاجة بتتغير ,
وبتكتر بينا الأزمات
وعشان ولا شفنا الحرية
ولا حققوا لينا الطلبات
وعشان لسه مبارك .. حاكم
بس اختلفت شخصيات

وعشان انا وانت بنتكفر
من كام دقن ف فضائيات
وعشان لسه الظلم معشش
و الجاي كوبي بيست من الماضي
ودخلنا ف اسوأ متاهات
وعشان أصلآ ضحكوا علينا
بعد ما جينا زمان و صرخنا
حولوا صوتنا قوام لسكات
وعشان لسه يا بلدي مجاش ,
حق شهيد علشانك مات
وعشان كل السابق ذكره ,
مطلوب القبض علي الثورة
بتهمة ... ازعاج السلطات !

"مينا مجدي"