منتدى الفرح المسيحى - طوباكى يا مريم

طوباكى يا مريم

https://lh5.googleusercontent.com/pr...sirEfpOtQ=s0-d

.
انا مهما وصفت فيكى.. مش هايكفيكى الكلام
يا ام يسوع يا خير الآنام
يللى صيامك من احلا واجمل الايام

من صغرك فالهيكل بتخدمى من كل قلبك
وحل عليكى الروح القدس وبارك ثمرة بطنك
تاهت فيكى العقول ..ازاى ابنك هو ربك؟؟
صليلنا يا عدرا ..احنا كلنا بنحبك

يللى استحملتى تشوفى ابنك الحبيب
وهو مصلوب على عود الصليب
وبالرغم من صمتك..كان جوة قلبك جمر.. ولهيب
مش ابنك بس اللى اتعذب ..دانتى شاركتيه واحتملتى التعذيب

يللى الملاك بالبشرة ناداكى
وقالك :بركة الرب معاكى
ياهناكى يا مريم طوباكى
انا من كل قلبى بهواكى