منتدى الفرح المسيحى

يسوع قال لى

1-يسوع قال لى أنا حارسك مالك خايف من ايه
حملك واخدته عنك مالك تعبان من ايه
خوفك دا عدم ايمان تعبك دا مالهوش مكان
سلمت الدفه لمين يحدفها شمال ويمين
ليه تايه يا مسكين وانا ليك ملجأ ومعين
ليه تعيش فى الدنيا شريد وانت ليك كل المواعيد
ده أنا عندى ليك بركات بس انت قولى هات
اديك من غير حساب خيرات من عند الآب
2-فى نهاية ألمى وتعبى قلت لهم أنا عطشان
وفى عطشى وظمآى رويتك وبروحى بقيت مليان
تصرخ دايما وحزين وكأنه مالكش معين
سلمت الدفه لمين يحدفها شمال ويمين
ليه تايه يا مسكين وانا ليك ملجأ ومعين
ليه تعيش فى عطش وفى جوع ليه عينيك مليانة دموع
3-نكست عشانك راسى اكليلى كان أشواك
وفى موتى وجدت حياتك بعد ما زالت خطاياك
ليه أنا شايفك زعلان كان أملى تكون فرحان
سلمت الدفه لمين يحدفها شمال ويمين
ليه تايه يا مسكين وانا ليك ملجأ ومعين
ليه تعيش عبد ومملوك وانت أبوك ملك الملوك