منتدى الفرح المسيحى - بحبك يا رب دا انت حنين اوى9

https://scontent-b-dfw.xx.fbcdn.net/...42574702_n.jpg

تعرف يارب نفسى اترمى فى حضنك وانسى كل شىء واكون معاك فى حضنك واحكيلك واشكيلك من نفسى ازى انا وبعيد عنك حصلى اية نفسى يارب ابكى والقيك تضمنى اوى وتمسحلى دموعى وتقولى متخافش انا موجود عاوزك يا حبيبى تقوى ضعفى وكمان تخلينى معك مش عاوز غيرك يا يسوع ما انا من غيرك مش قادر اعيش عايش ومش موجود بدونك لكن وانا معاك حاسس انى قوى بيك انت
قوتى يارب محتاج يارب تمسحلى خطاياى وتغفر كل زنوبى واثامى وتقولى اغير حياتى ازى يارب المراءة الخاطئة قلتلها مغفورة خطاياكى وانا كمان نفسى يارب اغسل رجليك بدموعى وامسحهما بشعر راسى واسكن فيك وتسكن فى وتغير كل شىء شرير جواى انا مستهلش اكلمك مين انا التراب والرماد حتى اكلمك لكن محبتك هى يارب اللى بتشجعنى علشان اكلمك ايها العالى القدير القدوس احبك يا معنى وجودى احبك يا سبب نورى وسعادتى وفرحى وسرورى لك القوة والمجد الى الابد امين