منتدى الفرح المسيحى - ودا ....حالنا معاكى يا دنيا

ودا ....حالنا معاكى يا دنيا

ليه دايمأ معانده وعاصية معانا
وقاسية كمان تملئ قوى علينا
كل ما يدوب نلحق لحظة نضحك
بتيجئ انت بقساوتك تبكى عينيا
ودايمأ بتوجعى قلوبنا بقسوه
واللى يفرحك تبكى كل أمانينا
وحتى لو فى يوم حلمنا الحلم
فى لعبة منك يضيع من ايدينا
بتجرحى بتعذبى ومفيش رحمه
وﻷ عمرك فى يوم تسحامحينا
وكانه بينا وبينك كان تار قديم
والفرحه حرمتيها انت تقرب لينا
دايمأ بنشيل همومك وبنرضى
طيب مش كفاية حرام وتصالحينا
يا كاتبة كل يوم بايديكى جروحنا
امته بس و يجئ اليوم وتفرحينا
حتى الحبايب فيكى انت بيفارقوا
واللى بيفضل بيتغيروا ويبيعونا
تعبنا قوى وخلص منا كل الصبر
بجد خﻻص كفاية وجع وارحمينا
ﻷمته هانفضل عايشين الجرح
وليه احنا فى سجونك بتعاقبينا
وكلمة براءه مش فى قاموسك
وﻷ الحرية كمان بتحرميها علينا
مش عارف انا بجد اقولك ايه
بس بكره جاى وفيه امل لينا
كل ظالم وجﻻد اكيد له نهاية
وهانفرح اكيد حتى لو هاتبكى عينيا