حاجات صعبة
 

حاجات صعبة :-
1- - إنك "تِشحت" الشخص اللى بتحبه لما تحتاج تتكلم معاه .. تدور عليه ما تلاقيهوش ...

2- - إنك تقلق أوى ع اللى بتحبه و تدور عليه بالساعات و أفكارك تودى و تجيب و شيطانك يصورلك مليون حاجة مٌقلقة عليه .. و فى الآخر تكتشف إنه كان شايف رنّاتك عليه و رسايلك ليه و قالوله إنك بتسأل عليه و مش عايز يرد عليك ...


3 - - إنك تنام و انت مش عايز تصحى بكرة ..

4- - إنك تكون مُضطرّ إنك تبتسم فى وش دا و تضحك مع دا و تعيش يومك قدام الناس كأنك حد فى منتهى السعادة ,,, و انت من جوّاك مش كده أصلاً

5- - إنك تتظلم .. و حتى التعبير عن إنك اتطلمت ماتقدرش عليه .

.
6- - إن يكون فيك كل دا و اكتر .. و ماينفعش - بـ حُكم ظروفك - إنك تنعزل حتى عن الدنيا كام يوم لا حد يكلمك و لا انت تكلم حد و لا تبقى مُطالَب بـ حاجة و لا حد يضغط عليك ... و فى الآخِر تضطر تكتب الكلام دا ع الكيبورد و بالكتير لو جاتلك الشجاعة تحطه ع الفيس عشان كان نفسك و لـ لو لمجرد وقت كتابة الكلام دا تكون : إنت ... من غير رتوش كدابة