منتدى الفرح المسيحى

https://fbcdn-sphotos-b-a.akamaihd.n...00596923_n.jpg

يارب
انا عاوزة اتكلم معاك شويه ممكن اكيد مش هترفض بس على فكره انا مش جايه صلى انا جايه اعاتب واحكى واسأل واشكى برضوا هتسمحلى احكى
اشكى وفضفضى مش عارفه اقولك ايه بس انت حاسس باللى انا فيه
انا تعبت وزهقت بس عارف حاسه انك واحشنى حاسه انى محتاجه حضنك
حضنك يارب اللى بيضمنى محتاجه ايدك تمسح دموعى وتطبطب عليا
اصل انا مليش غيرك ما انت عارف انى وحيده فى الدنيا ديه
مليش حد اتكل عليه انا جايه النهارده اقولك ..... انه واحشنى حضنك
وحشتنى اوى يارب احنا بنتكلم من بعيد بتنقذنى من اخطائى من غير ما اطلب بتسندنى وبتجيلى من غير ما اناديلك انا بحبك يارب بحبك اوى ومحتاجه حضنك .....سكت ليه زعلان منى ولا ايه عارفه انى مزعلاك كتير
بس انا اسفه
يالا بقى خدنى فى حضنك ولا انا بقى لما احتاجلك مبتسمعنيش
طب انت فين روحت فين صوتك اختفى من ودنى ليه