منتدى الفرح المسيحى - جوزى بسالنى مره وبيقوللى انتى ازاى بتعمللى كده ؟؟؟

منتدى الفرح المسيحى (https://www.chjoy.com/vb/index.php)

- قسم المواضيع العامة المتنوعة (https://www.chjoy.com/vb/forumdisplay.php?f=155)

جوزى بسالنى مره وبيقوللى انتى ازاى بتعمللى كده ؟؟؟

جوزى بسالنى مره وبيقوللى انتى ازاى بتعمللى كده ؟؟؟
قولتله بعمل ايه ؟؟؟
قالى بتزعللى وتنرفزى جامد
وترجعى تهدى مره واحده
...بتضربى الاولاد وترجعى تبوسى
مكان الضربه وتصالحيهم فى نفس الوقت
تبقى مش طايقهم واول ما واحدفيهم يتخبط
تجرى عليه ويتغير شكللك فى لحظه
تكونى نايمه فى سابع نومه وانا عامل هيصه
جامده وماتصحيش واول ما حد منهم بس
يعيط واكون مش سامعه تنطرى تروحيله
كأنك ما كونتيش نايمه
تفضللى تشتكى وتقوللى تعبانه ومش
قادره واول ما يبعدو شويه عنك او يروحو
عند جدتهم تفضللى تزنى عايزهم يرجعو
واول ما يرجعو ويبتدو يعملو شقاوه ترجعى
تزعقى وتتنرفزى
أكيد انتى مش طبعيه اكيد مجنونه
قولتله : بالعكس انا طبيعيه جداا""
انا بس السوفت وير بتاعى مظبوط عليهم وعلى نظامهم
افرح لفرحهم ,,,اتعب لتعبهم ,,,اصحى على صوتهم لو عيطوا
اقلق لو بعدو عنى ,,,ازعق واشخط خوف عليهم لا يتأذو
اكون زى ما بيقولو ,,,ادعى على ابنى واكره الى يقول أمين
ومن جوايا بقول يارب ما تسمع منى
انا طبعيه ,,,انا الفطره الى فطرنى عليها ربنا ,,,,انا ببساطه ماما ..

https://fbcdn-sphotos-e-a.akamaihd.n...10435970_n.jpg