منتدى الفرح المسيحى - بلادي بلادي بلادي مين عليه الدور النوبه دي؟؟

كليب بلادي مين عليه الدور النوبه دي؟؟

المسيحي تحبه ليه؟ ولا ليه تعيد عليه؟
قولوا مهما قولتوا ايه برضوا حابين بعض عادي
اصلنا اهل وجيران الجرس جنب الادان
وافتكرنا في اللجان واحنا شابكين الايادي

قنبله في القديسين سايبه شهداء ومصابين
تعرفوا فجرها مين؟ لسه مجهول للساعه دي
لسه عادي ناس تموت من الطوابير والضغوط
لسه فيه للظلم صوت رغم رفضي واعتراضي

روحنا ماسبيروا اندهسنا قالوا محدش لمسنا
واعترضنا فـ اتحبسنا محتاجين عدلك يا قاضي
قطر يولع باللي فيه تغرق العباره ليه
ذنبهم في الكشح ايه ولا في نجع حمادي

جسمنا اتعري وبان بس راجعين للميدان
واللي عري واللي خان دوره جاي هو اللي بادي
مذبحه في بورسعيد هو مين المستفيد؟؟
كل يوم فيه كام شهيد امتي هقلع توب سوادي

كلمات رمزي بشاره
عود وغناء الفنان احمد حجازي
الكليب يذاع علي قناه ترانيم