كام وحد فينا لما موبايل بتاعه او العربيه او اللاب توب او حاجه غاليه عنده بتبوظ بيوديها التوكيل ؟اكيد كلنا بنعمل كده واكيد كلنا بنكون واثقين ان الحاجه هترجع متصلحه عشان التوكيل فيه القطع الغيار الاصليه وبنكون جوانا مرتاحين ان مفيش مشكله ولا حاجه كلها كام يوم واخد حاجتى مظبوطه
مين فينا بقى يعرف ان بابا يسوع عند شركه توكيل بس عالميه وللتصليح جميع انواع المشاكل وعنده قطع الغيار للكل حاجه اصل ربنا استحاله مايكونش عنده كل قطع الغيار ده بيقولنا الغير مستطاع عند الناس مستطاع عندى بس نمره تلفيون بابا يسوع 3 ارقام بس

الصلاه والصبر والثقه

لو اتصلت على الارقام دى استحاله هتتضايق ابدا وهتكون مشكلتك الوحيدة ان معندكاش مشكله ...

الصلاه عبارة عن ثقة كبيره بنديها لربنا وقت ما بنتكلم معاه وبنبقى واثقين انه مش هايسيبنا ابدا
وانه هايريحنا من كل متاعبنا وهايشيلها عنا لو طلبنا منه
واهم حاجة اننا نصبر على ربنا لو طلبنا منه ولم يستجب لنا
لان ربنا ليه توقيتاته الصالحة لينا ولحياتنا

موضوع رااااااااااائع اوى اوى يا كوكى يا جميلة
ربنا يعوض تعبك يا قمر

ربنا يبارك فى الخدمة

الصلاه... والصبر... والثقه
على كل مؤمن أن يحفظ ويعمل بهذه الكلمات
مشاركة رائعة جداً شكراً أختي العزيزة
الرب يباركك ويبارك حياتك وتعب محبتك ويفرح قلبك
والمجد لربنا القدوس يسوع المسيح
دائماً آمين