منتدى الفرح المسيحى - إستخدامات مش هتتوقعيها للكولا:

إستخدامات مش هتتوقعيها للكولا:

كلنا عارفين الكولا طبعا و اننا بنستعين بيها كمشروب ,, لكن هل تتخيلى ان المشروب الي بينزل معدتنا ده ليه القدرة على الأتي ,, هتنبهري يعني هتبهري

1 , بينضف الصدأ ..

الكولا بتساعد على تفتيت جزيئات الصدأ لو جيتي رشتيها على مفتاح مصدي ولا مفك مصدي .. هتندهشي
وعشان افضل نتيجة . هاتي الحاجة المصدية اللي عندك و انقعيها ليلة كاملة في الكولا ,, و تاني يوم افركيها بسلك او بقماشة خشنة , هتلاقيها بتنضف بسهولة معاكي الصدأ.

2 . ممكن تستخدميها في بعض الاكلات اللي بتطبخيها

الكولا بعض الناس اللي بتحب تفنن في الاكل بتاعها , بتحط او بتستعين بالكولا ,, في بعض التتبيلات و الصلصات لما بنحط عليها كولا ,, بتفرق كتير في الطعم . خصوصا ان لو التتبيلة اللي ناقعة فيها لحمة او فراخ بتقضي تماماً على اي ريحة زفارة ..غير طعم السكريات اللي فيها الي بيدي للاكل طعم مختلف و جديد وقريب جدا هنجيبلكو ملف عن استخدامات الكولا في الصوص و الاكلات بشكل عام

3 . مسكن للألم

هل تعرفوا ان الكولا لو انتي عالبحر و حصل قرص من قنديل البحر المؤذي انك لو رشيتي او دهنتي مكان اللدغة بالكولا . هتخف الام اللدغة كتير لحد ما تشوفوا ايه هي الاسعافات او الدوا المطلوب . يعني مسكن مؤقت

4 . استعادة لمعان حلل المطبخ

حلل كتير عندنا بتسود او لمعانها بيروح من كتر الاستخدام ,, للتخلص من اللون ده باستعمال الكولا .. هاتي الحلة يا اوختي و حطي فيها كولا و حطيها عالنار ,, بس نار هادية ,, و بعدين سيبيها شوية تهدي كده من السخونة و بعدين اغسليها بالطريقة المعتادة و شوفى لمعان الحلة من جوا هيبقي عامل ازاي ,,

5 . للبقع العنيدة و الدهنيه اللي على الهدوم

ممكن اننا ننقع بعض الملابس اللى فيها بقع عنيده سواء دهون او شحوم ,, و اغسليها بعد كده بالطريقة المعتادة ,, لان الكولا ليها قدرة على تفتيت الدهون و الشحوم اللي على الملابس ,, ومش بس كده .. طبعا البقع دي بتسيب ريحة مش كويسة . استخدامك للكولا هيقضي على الريحة دي تماماً