علمنى يارب إزاى أتدبح واكون شهيد

علمنى اتدبح من غير ما اصرخ لحسن يقولوا عليا عميل

علمنى استشهد تحت اقدامك على الصليب

بس انا عايز اتعلم ازاى احتمل

والصراخ يكون صامت و دموع عينى محبوسه بألم عظيم

علمنى ما اصرخش من نصل السكين اصلو تلم من كتر الشهدا بنيك

علمنى ما أصرخش لحسن يقولوا بيستقوا بالخارج بصوت الألم الكبير

وانا لبلدى حبيب أمين

بس الميزان عايز تصليح

اصل لو المجرم زمان ماخرجش بجريمته برئ

كان دلوقتى شهدا نجع حمادى عايشين آمنين

واهلهم بالعيد فرحانين



آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآه

والف آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآه

قالوا على الإرهابى مجرم مسكين وأخدوا ابنى المدبوح قالو عليه ارهابى مشاغب اثيم

إززززززززززززززززاى يصرخ على اخوه الشهيد

غلطان يا طفلى المسكين

أرحمنــــــــــــــــــــــا يارب



قلبى مجروح جوه المعصرة محطوط والإسم انا مكانى بعيد

أمال اللى اتحرقم فى بيوتهم عايشين يقولوا ايه





علمنى يارب

ازاى اغير كلامى علشان احمى ابنى الحى

ماهو الشهيد فى احضانك خلاص اصبح منتصر حى

والشرير بيه مفضوح مخزى امامك ياقدير

لكن ابنى المصنف ارهابى من صرخه الم وحزن لسه عايش

وانا لسه امامك بيه مسئول طب اعمل ايه

أرحمنـــــــــــــــــــــــــــا يارب



علمنى ياقدير

انا اعلم عظمتك وقدرتك التى ليس لها مثيل

انا رأيت إعلاناتك التى تظهر مجد اسمك العظيم

أنا لمست معجزاتك التى ليس لها مثيل

فليس لى سواك يا قدير

ارجوك اتدخل وحل بروحك على كل مسئول لوطنه أمين

علمنا كيف يكون العدل بلا تفريق

زى ما علمونا ان الدين لله والوطن للجميع



ارجوك يا ملكى وإلهى السمائى القدير

ارشد بنيك الأمناء المسؤلين

فانت من قلت ان قلب الحاكم فى يدك وانت المرشد ليه

ساعدهم يا عظيم على نشر العدل والسلام بين الجميع

وللعدل اعطهم ميزان لا يميل بسبب دين او عرق او حتى اختلاف تفكير

لنتحد فى الوطن الواحد من جديد

ارشدهم يا قدوس يا بار يا قدير

فالحق ليس له ميزانين فانت هو الحق القويم

مد يدك وارشدهم كيف يكون التعويض

لكل مسلوب منهوب مهجر من ارضه وهو برئ

ولا يكون التعويض دماء اولادهم شهدا يوم العيد



سامحنى يا ربى وإلهى القدوس البار العظيم

فالدموع المحبوسه فى العين واللسان العاجز

نار كاوى للقلب الصامت الحزين

وطعم الأكل بقى علقم مرير

يارب ارحمنا وساعد بنيك

ارجوك ارحم صنعه يديك

ارجوك أرآف ببلدنا الحبيب

فأصبحت أخشى ان السوس ينخر فى هذا البلد العريق

ارجوك يا قدوس وحدنا فى بلدنا الجميل

فانت من باركه يا قدير

وانت من قلت مبارك شعبى مصر

استسمح بلألم والفرقه لشعبك يا عظيم


استسمح بميل ميزان العدل بين بنيك وانت العادل القدير


يا رب ارجوك إرحــــــــــــــــــــــــــــــــــــــــمنا


فليس لنا سواك يرى قلوبنا الصارخة المحروقه على بنيك

راجين منك ميزان عدل لايستطيع اى شر يجعله يميل