لو كان لنا ايمان يارب انك بتشعر بكل
هموم أولادك وان كل أفكارنا ومشاعرنا مكشوفة أمامك من قبل حتى مانحكيها
ماكنش حد هيشيل الهم ولا حد يبات حزين وماليه الغم
عايزة أحكي لكم على حاجة حصلت معايا الأسبوع اللى فات ...
فى أسبوع الألام كان عندى ظروف فى العمل وأيضا ظروف أسرية خارجة عن إرادتى
منعتنى من حضور حد الزعف وخميس العهد بصراحة أنا زعلت جدا لأن ده أجمل
أسبوع فى السنة ومابيتعوضش لكن قلت خلاص احضر الجمعة العظيمة فى الكنيسة
لكن تشاء الظروف برضة وبطريقة عجيبة انى ماأحضرش الجمعة العظيمة بكيت
يومها كتير وعاتبت ربنا وخصوصا لما سمعت فى بصخة التليفزيون الأية اللى
بتقول " طوبى للذى أخترته أن يسكن فى دارك" لحظتها بكيت كتير وقلت لربنا
اظاهر يارب انى غير مستحقة حتى انى أدخل الكنيسة ..
وبعدين جه العيد وشم النسيم وعيدت وفرحت مع أسرتى ونسيت الموضوع ده خالص ويوم شم النسيم بالليل رأيت
أثناء نومى اننى وزوجى فى كاتدرائية كبيرة تشبه التى توجد فى دير مارمينا
بمريوط وكنا نحضر القداس ثم فجأة رأينا الباب الجانبى للكاتدرائية ينفتح
ويدخل منه القديس العظيم ماريمينا العجايبى بوجهه الجميل يبتسم لكل
الحاضرين ثم صعد أمام المذبح ورشم علامة الصليب على كل الموجودين وقال
بصوت يملئة الفرح طوبى للذين أخترتهم ليسكونوا فى ديارك وعندما أستيقظت فرحت جدا وعرفت ان ربنا بيقبل كل أولاده ويفرح بجودهم فى بيته . وشكرت حبيبى مارمينا سريع الندهة اللى ماهنش عليه أنام زعلانة
ياريت كل واحد تجيله فرصة ان يروح الكنيسة مايضيعهاش ابدا لأن فى ناس كتير تتمنى الفرصة دى وبتستناها