منتدى الفرح المسيحى - مبتعرفيش تشتري لحمه ؟ تعالي اقولي اقولك ازاي تشتريها وتطبيخيها

مبتعرفيش تشتري لحمه ؟ تعالي اقولي اقولك ازاي تشتريها وتطبيخيها

http://img.ch-news.com/article137035...6111111111.jpg

ازيكم يابنات اخباركم بجد دايما بتوحشوني
النهارده موضوعنا عن شراء اللحوم
طبعا معظمنا مش بيعرف يروح يشتري لحمه
او بمعني اصح ميعرفش انهي جزء من الدبيحه
مناسب لطبخ صنف معين
http://files2.fatakat.com/2013/3/13625126261027.gif

طبعا احنا عندنا اللحوم انواع فيه بتلو وضاني ولحم ماعز ولحم غزلان
طبعا الاسماء بتختلف لكن الاجزاء وحده

دلوقتي احنا هنقسم الدبيحه ل3 اجزاء
http://files2.fatakat.com/2013/3/13625126261027.gif
اولا :-الرأس بيقي فيها ايه (مخ -لحمه راس -لسان)
ثانيا :- انواع اللحوم
1-الرقبه (لحمه دوش)
2- الضهر (لحمه سن __عرق الفلتو_ الروزبيف-الانتركوت-عمودالفخده (التربيانكوا)-وش الفخده- الموزه)
ثالثا:-اللي جوه الدبيحه
1- القلب 2- الكبده 3- الكلاوي4-الفشه 5- الكرشه 6- المنديل
7-الامعاء الدقيقه(السجق)
8-الامعاء الغليظه (الممبار)
9-الديل (العكاوي)
10-الكوارع
11_الريش
http://files2.fatakat.com/2013/3/13625126771106.gif
بعد مااتكلمنا عن اجزاء الدبيحه
هنتكلم عن انسب الطرق للطبخ
مبدائيا كده ان لحم الابقار اطري من لحم الجاموس
وان كل ما صغر سن الدبيحه كل ماكان طعمها اطري
http://files2.fatakat.com/2013/3/13625126771106.gif
اولا :- الرقبه (الدوش)
والنوع ده شديد جداعلي الصغيرين والكبار لانها بتاخد وقت كتير علي النار
وحتي لو استوت بتكون شديده
وتستخدم في الطبيخ المسبك

http://files2.fatakat.com/2013/3/13625126771106.gif
ثانيا:-(لحمه السن)الجزء ده بيختلف تماما مع الدوش
لان ده العكس طريه جدا
وتستخدم في السلق ومع الخضار
http://files2.fatakat.com/2013/3/13625127391712.gif
ثالثا:- عرق الفلتو وده طبعا غني عن التعريف
اطري قطعه لحمه في العجل كله
وتستخدم في السلق والشوي
لكن منستخدمهاش في الاسكالوب
لان انسجتها ضعيفه ولو اندقت هتفك من بعضها
http://files2.fatakat.com/2013/3/13625127391712.gif
رابعا:- الروزبيف
برضه دي من النوعيات الطريه جدا
بس هي اشد من الفلتو شويه
وممن يتعمل منها الاسكالوب
يعني تتحمل الدق عشان الانسجه تتفرد
http://files2.fatakat.com/2013/3/13625128081571.gif
خامسا :- والجزء ده مشترك بين عمود الفلتو والروزبيف
وهو بيبقي عباره عن عضمه علي شكل حرف الt
وبيستخدم في الشوي
http://files2.fatakat.com/2013/3/13625128081571.gif
سادسا:-التربيانكو
وده معروف بعمود اللحم البارد
وبيستخدم طبعا في عمل اللحمه البارده
http://files2.fatakat.com/2013/3/13625128081571.gif
سابعا :- وش الفخده
وده الجزء الوحيد اللي ممكن يشوي من الفخده
لانه طري جدا
ويستخدم للاستيك بانواعه
وكمان ممكن يستخدم لكباب الحله
http://files2.fatakat.com/2013/3/13625128831104.gif
ثامنا :-الموزه
وهي بتبقي ملبسه بالدهن الخفيف
ودي برضه بتستخدم في السلق

طبعا الاجزاء اللي جوه الدبيحه معروفه