منتدى الفرح المسيحى - انا شوية حاجات فوق بعض

انا شوية حاجات فوق بعض

https://upload.chjoy.com/uploads/1363841150831.jpg

انا شوية حاجات فوق بعض
جروح علي خوف علي حزن مبينتهيش
ومافيش غير البعد عن ناس مبتوفيش
ما انا لو فضلت معاهم مش هعرف اعيش

هزعل ليه وعلي ايه
هضيع عمري وسنيني
دا انا ياما انجرحت كتير
وبكيت ياما من عيني

الي اديله حياتي وعمري
الاقيه في اول خطوه يسبني
والي بالغالي اشتريه
الاقيه في اول بيعه يبعني

دا الحزن بقي خلاص في عيوني
من كتر البكاء ع الي جرحوني
وكل لما احب ناس
الاقيهم يخدعوني ويسبوني

سني صغير فاكرني طفل
وشي اتغير من كتر الحزن
مفتكرش في يوم انا فرحت
اصل الحزن دا مش بالسن

الحب في قلبي مات جوايا لكل انسان
والذكريات بالنسبالي بقت في النسيان
انا هسكت من انهارده وهيبقي ليه الكلام
ما انا اتكلمت كتير ومخدتش غير الالام

عشت ايامي الي فاتت وحيد
وحاسس اني انسان غريب
انجرح وافرح من جديد
والفرح قدام عيني بعيد

وانا كنت عايش في الامال والطموح
وبقيت خايف من كتر الجروح
ما الي انجرح كتير هيحس بمعني الخوف
وهيعيش في قلبي اسير وهيحس بيا ويشوف

انا علقت حياتي علي انسان
والانسان دا سبني وخان
هو من غيري عايش فرحان
وانا من قلبي بقيت عليه ندمان

جروح الايام كل يوم مع يوم بتزيد
وانا الحرقه في قلبي كل يوم بتأيد
والدموع علي طول في عيني
علي طول عايش حزين

الالم والجرح مكاني
لحد ما بقيت واحد تاني
والصمت بقي هو لغتي
والحزن دا بقي عنواني

الحب خلاص كسرني
والخوف قساني وعلمني
ومهما الفرحه بعدت عني
انا هفضل قاعد مستني

بقي مش هاممني وبايع الحياه علي طول
واليوم بالنسبالي مش فارق عشته ولا معشتهوش
واحساس كبير جوه قلبي حزين عليه علي طول
انا نفسي اخرجه وابكي بس المشكله اني معرفوش