لقيت ربنا بيقوللّى :
أجاوبك بتاع إيه ؟
وأجاوبك ليه ؟
واجاوبك ازاى وانت مش بتكلمنى؟
وارد عليك ازاى؟
.. هوه فيه علاقة شخصية بينى و بينك علشان أجاوبك ؟!؟
مابتستنّاش علشان تسمعنى عايز أقولّك إيه أو عايز منك إيه …
سَكتّ يا ابنى ..
هرد انا هاقول له إيه ؟ .. ما هى دى الحقيقة ..فعلا يا نفسى

أنا على طول مشغول و ورايا 100 حاجة .. وما بفتكرش ربنا إلاَّ لما تحصللّى مصيبة ! .. وقتها باصرخ وأقول له : " إلحقنى " و " ليه يارب ؟" إلى آخر قائمة الشكوى و الاعتراض ... مع إن على العكس ، لما بيدِّينى عطية ، ماباقولش " ليه يارب ؟ " .. و يا افتكرت أشكره ، يا مفتكرتش … !!!
فى وقت ما ، زادت علىَّ الضغوط جداً … وحصللّى زى ما بيقول الكتاب :
" هكذا قال الرب : أُضيِّق عليهم لكي يشعروا " . أرميا 10: 18

وشعرت فعلاً إني لازم أعيد حساباتى مع نفسى