منتدى الفرح المسيحى - عايز تعرف اكتر عن السماء

في يومامنا ايريني كانت في قلايتها فلقيت امنا مرتا عندها في القلاية (تنيحت امنا مرتا ١٩٨٢) فقالت لها امنا ايريني كلميني عن السما انتو بتقولو انكم بتسبحوا عايزة اعرف اكتر قالت امنا مرتا احنا بنقضي طول الوقت في التسبيح والترتيل وبنروح نزور الست العدرا والقدسين وبنخدم
الام ايريني: بتخدمو هو في خدمة في السما ‏
الام مرتا: ايوه يعني انا جيت لك وبتكلم معاكي عن وهتستفيدي دي خدمة ولما تطلبي طلب من شهيد وهو يروح لربنا ويقول له فلان عايز كذا فربنا يقول له روح اعمل له كذا دي خدمة ‏
الام ايريني : طب احكيلي عن المكان الا انتي قاعدة فيه وايه الا خلاكي تروحي فيه ‏
الام مرتا : انا في مكان علي مش حلو ومش وحش والخلاني اروح المكان ده ٣ أمور ان الافي يدي مش ليا ولما الاقي حد محتاج اعطيه وبحاول اعمل سلام وموصلش كلام يزعل حد والا يزعلني ويراضيني بأي كلمة اسامحه ولو في حد مزعلني قوي واحتاج حاجة اساعده طب
الام ايريني: طب ده عز المحبه ليه مروحتيش مكان احسن
الام مرتا : انا كنت بخدم لما اكون كويسة ولما اكون تعبانة ميهمنيش وانتي عارفة اني كنت بزعق واشخط واضيع الوقت في الضحك الا كان ممكن استغله في الصلاة مع اني فرحانة لكني ندمانة لما بشوف القديسين في مكان احسن لو كنت جاهدت شوية كنت روحت مكان احسن لكن انا فرحانة قولي لاخواتي انهم ينفذوا كل كلمة في الانجيل ويصلو كتير اكتر حاجة بتزعل ربنا ان الناس بتعتز بنفسها وبتنسي ان ربنا هو الامدبر احوالهم وكمان متنسوش المحبه ودي اهم ولازم تزيدوا من تمجيد الست العدرا متتخيلوش مجدها في السما ازاي وبتشفع في كل الناس احنا بنمجدها هناك علي طول
الام ايريني : انتو بتحسوا بينا وبتعرفو اخبارنا
الام مرتا: كل اخباركم بنعرفها وخاصة لو في شخص هيتنيح بيقولوا ان فلان جاي ولو في حاجة مهمه السما كلها بتعرفها انتو مبتعملوش ليه ليا قداس صحيح مش هستفيد منه لان كل واحد حسب عمله لكن انا بحب انكم تفتكروني زي مابفتكركم
:-)السما حلوه وتستاهل ان الواحد يتعب علشان يوصل لها‎:-) ‏‎ ‎