منتدى الفرح المسيحى - (( ..... انا شاب ..... ))

(( ..... انا شاب ..... ))
انا شاب ..... سنى فى سن الشباب !
انا شاب ..... والشعر رغم قصر الايام , شاب !
..... ورغم صغر سنى , تشوفنى متقولش شاب !
انا شاب ..... شكلى كبر من الهم والاتعاب !
..... شاب عجز بدرى عن اوانه , ياه عالشباب !
انا شاب ..... اتصدم لما حلم واترفضت الاحلام !
..... شاب فى زمن مهواش زمن الشباب !

انا شاب ..... معدش فيه معنى الشباب !
..... معدش عنده لا فكره ولا مشروع !
انا شاب ..... كل اللى شافه واتعلمه الاستسلام والخضوع !
..... معدش قادر يدى للى حواليه الامان مالجوع !
انا شاب ..... نفسه يعيش شبابه !
..... نفسه يستغل نشاطه وحماسه !
مين يهيئلى الظرف / مين يدى الفرصه
مين يشجع ويسند / مين يرافق فى الرحلة
انا شاب ..... هاتحدى الزمن والظروف
..... ومالينى اصرارى , اعيش شبابى
..... هدخل حربى من غير خووووف
..... هاثبت شبابى وبينا الايام يازمن وهتشوف
م / هانى صموئيل
Eng/Hany samouel