منتدى الفرح المسيحى - الايام الصعبه

ف الايام الصعبه اللى احنا عايشينها دى يا جماعه كتر حاجه تريح واكتر حاجه الناس محتجاها هى((الحب))

بجد ناس كتير بتبقى محتاجاك تسأل عليها وتقولها عامله ايه وتقف جمبها تطبطب عليها تحسسها انك معاها ومش هتسيبها

الحيها الصعبه دى بتحتاج ان الناس تقرب لبعض تخاف على بعض تحب بعض تهون من على بعض...كل واحد فينا ليه دور ف الحياه وحد مسؤول منه اما صديقه او جاره او قريبه او اخوه او حتى عدوه...دور حواليك شوف مين مسؤول منك ومين اللى ربنا حاطه ف حياتك عشان تسأل عليه وتفتقده...وهل انت بتقووم بعملك على اتم وجه ولا مقصر تجاه الشخص ده

لو فيه مشاكل بينك وبين اى حد انسى كل المشاكل حب كل الناس زى ما المسيح حبك الدنيا بجد مش مستاهله نشيل او نكره حد ده كلها نفس ممكن يخرج ميدخلش تانى

قدم الحب حتى لو هتلاقى قدامه قله تقدير المهم انك تحب...اسأل عن صحابك اللى شغلك عنهم الشغل والدنيا والجواز ومشاكل الدنيا...لو حد حبيبك بقالك فتره مسألتش عليه اتصل بيه اسأل عليه صدقنى ما هتكلفك كتير بس هتفرق بالنسباله اوى انك فاكره وانه ف بالك.... فيه ناس كتير اوى محتاجه كلمه حلوه منك كلمه تشجع كلمه تبنى كلمه تعزى كلمه حب كلمه تقول بيها انك معاهم وهتفضل معاهم ومش هتسيبهم مهما كان الامر...نفسك وحياتك اللى انت عايشها لحد دلوقتى هو حب من ربنا والنفس الداخل والطالع ده حب من ربنا قدمهولك...قدم الحب طولما الحب بيتقدملك