منتدى الفرح المسيحى - قررت أصالح نفسى ^

قررت أصالح نفسى ^_^"
أه مالكم اتخضيتوا ليه وضربتوا كف بكف ×_×
اه هصالحها ، نفسى أقولها إنى تعبتها كتير معايا وإن مفيش استحمل اللى هى استحملته
دبستها كتير فى مصايب

قعدت مع نفسى وقولتلها هاه يا بنت الحلال
... راحت كشرت اووى وقعدت تعيــطلى
( وبعدين فى الليله السوسا دى بقى ! ))

رحت واخداها من ايدها ووديتها السينما
هى عمرها ما راحت وكانت نفسها تروح قوى
أينعم دفعت من فلوسى :( بس مش خساره فيها :d

وفكرت إنى أجيبلها ورد ،، هى بتحب الورد وكان نفسها فيه برده فهى فرحت أوى وقبلت إعتذارى :d

طب بذمتكم مش نفسى دى زى العسل ؟؟
كفايه إنها بتتحمل نكتى السخيفه

ونكدى المستمر واللى مبتعبش حد غيرها فيه
كفايه إنها الوحيده اللى لما بقع فى الشارع زرع بصل ع وشى مش بتضحك عليا =))

طب بقولك ايه :.

نفسك هى اجمل حاجه فيك واكتر واحده هتفضل معاك
مهما حصل متزعلهاش منك

إحضن نفسك وقرب منها ومتشيلهاش أكتر من طاقتها
حب نفسك ♥

لإنها تستاهل إنها تتحب