شراء اللحوم
طبعا معظمنا مش بيعرف يروح يشتري لحمه
او بمعني اصح مبيعرفش اي جزء من الدبيحه
مناسب لطبخ صنف معين

https://files.arabchurch.com/upload/i...3538636122.jpg

طبعا اللحوم انواع فيه بتلو وضاني ولحم ماعز ولحم غزلان
طبعا الاسماء بتختلف لكن الاجزاء وحده

دلوقتي احنا هنقسم الدبيحه ل3 اجزاء

اولا :-الرأس بيقي فيها ايه (مخ -لحمه راس -لسان)
ثانيا :- انواع اللحوم
1-الرقبه (لحمه دوش)
2- الضهر (لحمه سن __عرق الفلتو_ الروزبيف-الانتركوت-عمودالفخده (التربيانكوا)-وش الفخده- الموزه)
ثالثا:-اللي جوه الدبيحه
1- القلب 2- الكبده 3- الكلاوي4-الفشه 5- الكرشه 6- المنديل
7-الامعاء الدقيقه(السجق)
8-الامعاء الغليظه (الممبار)
9-الديل (العكاوي)
10-الكوارع
11_الريش

بعد مااتكلمنا عن اجزاء الدبيحه

انسب الطرق للطبخ
مبدائيا كده ان لحم الابقار اطري من لحم الجاموس
وان كل ما صغر سن الدبيحه كل ماكان طعمها اطري

اولا :- الرقبه (الدوش)
والنوع ده شديد جداعلي الصغيرين والكبار لانها بتاخد وقت كتير علي النار
وحتي لو استوت بتكون شديده
وتستخدم في الطبيخ المسبك


ثانيا:-(لحمه السن)الجزء ده بيختلف تماما مع الدوش
لان ده العكس طريه جدا
وتستخدم في السلق ومع الخضار


ثالثا:- عرق الفلتو وده طبعا غني عن التعريف
اطري قطعه لحمه في العجل كله
وتستخدم في السلق والشوي
لكن منستخدمهاش في الاسكالوب
لان انسجتها ضعيفه ولو اندقت هتفك من بعضها


رابعا:- الروزبيف
برضه دي من النوعيات الطريه جدا
بس هي اشد من الفلتو شويه
وممن يتعمل منها الاسكالوب
يعني تتحمل الدق عشان الانسجه تتفرد


خامسا :- والجزء ده مشترك بين عمود الفلتو والروزبيف
وهو بيبقي عباره عن عضمه علي شكل حرف الt
وبيستخدم في الشوي


سادسا:-التربيانكو
وده معروف بعمود اللحم البارد
وبيستخدم طبعا في عمل اللحمه البارده


سابعا :- وش الفخده
وده الجزء الوحيد اللي ممكن يشوي من الفخده
لانه طري جدا
ويستخدم للاستيك بانواعه
وكمان ممكن يستخدم لكباب الحله


ثامنا :-الموزه
وهي بتبقي ملبسه بالدهن الخفيف
ودي برضه بتستخدم في السلق

طبعا الاجزاء اللي جوه الدبيحه معروفه