منتدى الفرح المسيحى - ليلة الامتحان (جامدة)

ليلة الامتحان

البنت - قاعدة تذاكر والشاب قاعد يذاكر شوفوا ايه اللى بيحصل

البنت/// عماله تراجع وتحفظ وتحل اختبارات مراجعه للمرة العاشرة

الشاب// يكتشف المنهج لاول مرة

البنت // تاخذ استراحة قصيرة وتستغلها للصلاه

الشاب // ينام ساعه ياكل ساعه ثم يستريح ساعه كل ربع ساعه مذاكرة

التليفون يرن

البنت // الو خالتو ازيك عاملين ايه الحمد لله خدى ماما معاكى ادعيلى يا خالتوا عندى امتحان بكرة

الشاب// الو ازيك يا خالتوا عاملين ايه ؟ وازاى عادل وسامي
؟ بقولك يا خالتوا عادل عندك؟ طب اديهونى اسلم عليه الو ازيك يا عادل عامل ايه ... انا عمال اذاكر والله روحى طلعت من المادة بنت ال.... المهم بقولك شفت الماتش؟ الحكم ابن ال ....... اه طب بص نص ساعه كده وقابلنى فى القهوة عشان عايزك فى موضوع .

البنت تذاكر وتذاكر

[COLOR="Magenta"]الشاب يعمل برشامه ثم يخرج ليقابل عادل
[/COLOR
البنت تسهر تراجع لوقت متاخر ثم تصلى وتنام

الشاب ياتى من الخارج فى وقت متاخر يجد ابوه فى وجهه يتشاجر معه وينام .

يوم الامتحان

تذهب البنت قبل ميعاد الامتحان بساعتين ( دون ان تضع فى فمها شئ اصلا مالهاش نفس متوترة) وتظل تراجع وتراجع وتراجع

يصحو الشاب متاخر (معذور اصلا ما لحقش ينام) ثم يجلس على مهله للافطار ( يعنى هيروح الامتحان على لحم بطنه ؟ مش معقول ) واخيرا يذهب للجامعة ولكن يقف قليلا فبل الدخول ليدخن سيجارة ( يعنى معقول يروح يمتحن وراسه مش متظبطه) بالنهايه يدخل اللجنه متأخر فيتشاجرمع المراقب الذى يعترض على تاخره وفى النهايه وحرصا على مستقبله يتدخل رئيس اللجنه رافة به ويوافق على حضوره الامتحان.

البنت // تصلي في سرها ثم تفتح الورقه وتبداء فى الاجابه

الشاب ينظر بحذر حوله ثم يتحين الفرصة لاخراج البرشامه

البنت // تنهى الاجابات ثم تراجع مرة اخيرة وتحمد الله ثم تسلم الورقه وتخرج

الشاب // المراقب يراه يغش يسحب منه الورقه فيقوم بعمل خناقه وزيطه فى اللجنه ( حرام عليكوا ده ظلم منكم لله انا عارف اصلا انتوا حاطينى فى دماغكوا من الاول ربنا على المفترى)

يوم النتيجه //

الفتاه تنجح بتفوق 98% وتحمد الله وتشكره

الشاب يرسب 13% ويصرخ قائلا ( والله ظلم اصلا نظام التعليم فاشل وامتحانات باميه الله يخرب بيت المصححيين )