منتدى الفرح المسيحى - أنا ليه يا رب مبعترفش انك كريم

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - أنا ليه يا رب مبعترفش انك كريم (https://www.chjoy.com/vb/showthread.php?t=149746)

أنا ليه يا رب مبعترفش انك كريم

أنا ليه يا رب مبعترفش انك كريم
غير بس وقت الحاجة ليك!
غرقان يا رب انا ف الذنوب
و يادوب بعيش..
من غير ما افكر حتى فيك!
أنا حاسس..
انى ماليش مكان فى الدنيا دى
من غير رضاك..
بغلط كتير جدا يا رب
و مش بتوب :(
و بقول اكيد..
انك ھتغفرلى الذنوب
ببعد كتير عنك و ابص لدنيتى
و الدنيا تسود ف عنيا..
ف اعود اليك
تقبل خضوعى و كسرتى..
و استسمحك..
و تعدى فترة و اسيب ايديك!!
من غير سبب!
ساتر عليا حاجات كتير مبحسھاش
و الخوف مالينى..
و لسه "يوم الخوف" مجاش!
ولسه بردو يا رب انا..زي ما انا
بحر الذنوب لساه مكمل..منتهاش!
ضاع السرور..
أنا بس نفسي..
أشوف ف قلب الضلمة نور
أنا عارف انى ماليش حجج..
للحالة دى..
لكن يا رب..
انا نفسى بس ..
تفضل محصننى برضاك
يبقا الغلط قدام عنيا..
و مروحش ليه..
و الجأ اليك وقت الفرح..
زي ما بلجأ برضو ليك وقت التعب..
و الجأ اليك من غير سبب!
مش ھطلب اكتر من كدا
أنا كل حاجة جوا منى مكسرة
و مفيش علاج للكسر..غير
"حبة من رضاك"