منتدى الفرح المسيحى - رسالة قد تهمك

رسالة قد تهمك .. لـ مايكل سامي

بقلم : مايكل سامي

http://www4.0zz0.com/2012/08/13/07/338193983.jpg

لو دخلت محل موبايلات تشتري موبايل غالي والراجل طلعلك موبايل من علبته وخلاك تحط فيه شريحتك وتجربه
وتقلب فيه وبعد ماخلصت تجربة في الموبايل وعرفت كل امكانياته شاله تاني في العلبة وحطه في العرض
هل هتفكر تاخد نفس الموبايل ولا هتقوله اديني واحد زيه بس يكون متبرشم ولسه في علبته متفتحتش قبل كده ؟؟

علي الرغم ان اللي في العرض ده ورهولك انت عشان تشوف امكانياته الا انك هتقول بينك وبين نفسك ياعالم كم شريحه قبلي اتحطت فيه
الراجل اتعلم درس .. مش هيفرج اي حد علي اي تليفون غير لما يدفع تمنه الاول

خلي مشاعرك كده بردو .. متسمحش لأي حد يجربها ويلعب بيها وبعد كده يقولك شكرا ويمر من قدامك مرور الكرام

يتكلم معاك اه يعرفك اكتر اه لكن يحط شرحته جواك ( حبه جوه قلبك ) وبعد كده يقولك سلام !!
يسيبك متعزب ويشوف غيرك .. ده اللي لا ..

متسبش مشاعرك لحد غير اللي يقدملك تمن المشاعر دي الاول ( دبلة + كلمة حب )
ولاحظ اني خليت كلمة دبلة قبل كلمة حب
لأن غالبا في الزمن ده الدبله بتجيب وراها حب ولكن نادراً لما كلمة الحب تجيب وراها ددبلة

اصل بصراحه تعبنا من الجراح والفراق ومن الغش والخداع
من النفاق .. من الكلمة اللي بميت معني .. من الأقنعه المزيفة والوشوش الكدابه
ارحموا غيركم بقي الناس تعبت وفيه ناس ضعيفه مش بتقدر تتحكم في مشاعرها وبتنجذب بسرعه

لو لقيت اللي قدامك بيعاملك بحب زايد عن اللازم وحنية ملهاش مثيل ياريت متظنش انه بيحبك وتسيبله مشاعرك
لأن كتير اوي اليومين دول اول مابتسيبله مشاعرك بيسيبك ويجري
زي فكرة الموبايل بالظبط

اياك ترضى انك تكون موبايل او فار تجارب لمشاعر مريضة