منتدى الفرح المسيحى - مـــــــــــالــــــــــك

مـــــــــــالــــــــــك
()()()()()()()()()()

حقيقى اكتر كلمه بتألم كلمه مالك

لما تكون مخنوق مضايق
عاوز حد يحس بيك
لانك حقيقى مش قادر تتكلم
ويجى حد يقولك مالك
تبقى اصعب لحظه لانك مش عارف ترد عليه

لما تكون مخنوق مضايق
مش عارف سبب اللى انت فيه
ويجى حد يقولك مالك
ومتعرفش تقول ايه

لما تكون جبت اخرك من كل اللى حواليك
وكل اللى حواليك عارفين سبب زعلك
ويجى حد يقولك مالك
مع انه عارف انت فيك ايه
مبتبقاش طايق ترد عليه

لما يجى حد
يشوفك مضايق
ويحب يشمت فيك
مع انك عارف انه مش بيحبك
بس عاوز يشوفك فى ضعفك
يجى ببرود يقولك مالك

حقيقى كلمه سهله للى بيقولها
لكن صعبه على اللى بيسمعها

لما تشوف حد يهمك
حد بجد عزيز عليك
لو لقيته مضايق
متقولش مالك فى ايه
خد فى حضنك وبس
حسسه بحنانك
حسسه انك بتحبه
انك خايف عليه وهو فى حضنك

متقولش مالك بكلامك
لكن ممكن تقولها بقلبك