منتدى الفرح المسيحى

عارف لما تكون مضايق ومش لاقى حد تتكلم معاه

فتدور تدور على حد تكلمه وبرضوا متلاقيش

وفى الاخر تبص للسما وترفع ايدك لربنا وتقوله يارب

وتبدء تحكى وتحكى وتتكلم معاه كتير اوى وممكن تعيط

وفجـــــأه تاخد نفسك اوووووى ( تنهــــيده )

وتروح قايل : عارف يارب انا بحبك اووى اوى اوى

عارف لما تحس بكده

اعرف ان ربنا كان مستنيك من الاول خالص

من ساعه ما كنت بتدور على حد تجيله و تحكيله

هو مكنش مستنيك تجيله ولا تروحله !!!

لانه اصلا جالك وكان اعد جمبك ومستنيك بس تتكلم

وعارف لما اتكلمت وبعديها اتنهـــدت اوى

اصل ساعتها ربنا عزاك واخدك فى حضنه
كأنه بيقولك متزعلش

وعارف لما انت رديت رد تلقائى وفجأه قولت بحبك يارب

ده عشان انت حسيت انك ارتحت انك اتكلمت معاه

يالا كلنا نقول بنحبك يارب

_____________--

مستنى ايه ؟
لو مضايق
حيران
زعلان
فرحان
عادى
روح اتكلم معاه
قوله اى حاجه
وتروح ليه
خليك اعد فى مكانك
بس قوله اللى فى قلبك
ومتنساش فى الاخر تقوله بحبك يارب

صدقنى هترتاح اووووووى