منتدى الفرح المسيحى - داخلية مرسى تنتقم من نشطاء الاسكندرية

داخلية مرسى تنتقم من نشطاء الاسكندرية

http://sphotos-b.ak.fbcdn.net/hphoto...74269905_n.jpg

ماهينور المصرى :كنت بفكر أغير صورة البروفايل بتاغتي و أحط صورة حسن .. حسن مصطفي أخويا المجنون الجدع الطيب اللي اتاخد من قدام عينيا , و بعدين فكرت أحط صورة الرفيق مهند الجميل صاحب ال 17 سنة و الابتسامة البريئة , و فكرت أحط صورة نور الزوربة اللي ممكن ناس تبقي شايفاه شخص مش كويس أوي بس أنا بحبه و اخر كلمة قالهالي يوم ماتخطف ماتزعليش مني لو عملت حاجة تزعلكم أنا بعتبرك أمي الروحية , و بعدين قولت لأ ححط صورة محمد عز صديقي الاشتراكيي التحرريي اللي رغم اختلافنا في الافكار الا اني بستجدعه جدا و بعدين قولت طيب مادام ححط صورة عز ما أجط صورة أمير أسعد الأناركي أبو روح جميلة و بعدين افتكرت انهم 41 جدع منهم أطفال قصر زي عمر هشام من مصر القوية و الاولتراس و متحدي اعاقة زي مينا بطرس , مش كلهم عندي صورهم و مش كلهم معروفين بس كلهم جدعان و مستحملين ظلم السلطة سواء اخوان أو داخلية أو قضاء , مش نافع أحط صورة حد حتي لو قريب ليا و الباقيين لأ .. و عشان كدة قررت أحط صورة المقاومة .. المقاومة , الثبات ,الأمل و الايمان هما طريقنا , نازلين يوم 25 يناير و مكملين بعدها .. من أجل مجتمع أكتر انسانية حيجي حيجي طول ما في جدعان زي الاحرار المقبوض عليهم