اليوم موضوعى هينقسم لشقين شق اول وهو كيفية تحديد امكانيات الجرو واختيار الجرو المناسب لمتطلباتى








http://l.yimg.com/lo/api/res/1.2/ny_.../452279614.gif






اما الشق الثانى هيكون عبارة عن نصائح للتعامل مع الكلب عموما وكيفية تنشاة الكلب التنشاة السليمة






http://l.yimg.com/lo/api/res/1.2/I5G.../226739736.png





والهدف من تقسيم الموضوع لشقين بهذا الشكل لارتباطهم الشديد ببعض فانت لابد ان تختار الكلب المناسب لك وتعرف كيف تعاملة حتى يكون بالنسبة لك مصدر سعادة وليس مصدر للتخريب والازعاج





http://l.yimg.com/lo/api/res/1.2/mES.../830340711.jpg





بس مبدئيا احب اذكر نصيحة هامة قبل البدا فى الاختبارات وهى نصيحة شراء الكلب عموما
الكلام دة انا ذكرتة من قبل بس حابب ان اعيدة مرة اخرى لاهميتة


وهو انى بنصح ديما اللى عاوز يشترى كلب
يدور كويس عند حد من اقاربة او معارفة او اصدقائة
او عند حد هاوى موثوق فية انة عندة حاجات نظيفة
بيربها لنفسة وبيراعى ربنا فيها
اما المحلات دية بيكون الهدف منها تجارى والحصول على اكبر قدر من الربح
ودة بيكون هدفة الاساسى من المحل فمبيبصش عن حالة الحيوان اللى عندة ولا بيراعية
فى ما كلة ولا مشربة ولا نظافتة ولا اى حاجة المهم يبيع ويكسب
وعلشان كدة بنلاقى ان غالبية الحيوانات المعروضة فى المحلات مريضة
لان مفيش مراعاة دة غير ان اختلاط الحيوانات داخل المحلات دية
خطر لانة من يمرض منهم محدش بيراعية ولا بيعزلة
فبيعدى الحيوانات الاخرى فياريت يكون اللجؤ للمحلات دية
اخر حاجة فى حالة انك تياس انك تلاقى كلب عن قريب او صاحب او حتى هاوى
وتتفق مع البايع انك هتعرض الكلب خلال 24 او 48 ساعة على بيطرى تثق فية
لتتاكد من خلوة من الامراض دة بعد طبعا متفحصة انت ظاهريا قبل متشترية
تفحص شعرة عند المناطق الناعمة من الجسم تحت الابط ومنطقة البطن وتتاكد ان مفيهمش حشرات عالقة وتفحص اذنة وتتاكد انها بلونها الذهرى الطبيعى ومفيهاش اى افرازات غريبة
انفة تكون مندية وعنية فيها نشاط وحيوية وشعرة قوى متماسك فى جلدة كويس
مش ضعيف وبيقع مشى ايدك على جسم الكلب كويس وتاكد ان مفيهوش خراجات او خلافة
دة غير ان الكلب يكون فية نوع من النشاط والايجابية تجاهك بيكون مؤشر مبدئى لخلوة من الامراضبرضة بنصح لمن هم معندهمش خبرة فى تربية الكلاب وعوزين يشترو كلب انهم يشتروة
كبير شوية 5 و 6 شهور بحيث انة تكون مواصفاتة وضحت شوية ويقدر اللى عندة خبرة قليلة
يحدد نقاء السلالة دة من ناحية من ناحية ثانية يكون سن الخطورة عدى على الكلب
و مبيحتجش خبرة وراعية قوية زى وهو جرو طبعا
ودة لنتجنب بقدر الامكان الاستغلال التجارى من التجار





نبدا موضوع النهاردة




الشق الاول



هيتلخص فى عدة اختبارات من خلالها اقدر اتعرف على طباع وامكانيات الجرو اللى هتعامل معاة
واقدر من خلالها احكم اذا كان ذلك الكلب هو الانسب لمتطلباتى من عدمة
وطبعا الاختبارات كلها هتتم فى العمر الغالب لشراء الجرو يعنى حوالى 50 يوم
علشان الجرو يقدر يدرك الاشارات والحركات اثناء الاختبار ويفضل طبعا
ان تكون هذة الاختبارات منفردة بعيدة عن امة واخوتة وفى مكان جديد على الجرو علشان
هتساعد فى اظهار ردود الفعل الطبيعية بشكل اكبر على الجرو