منتدى الفرح المسيحى - ها اخبي جناحك !!!!!

ها اخبي جناحك !!!!!

متستغربيش ما انتي ملاك ممكن تطيري
وازاي اعيش بعدك وحبك حقيقي ربيعي
قررت اني اشيل جناحك جوه قلب القلب
وتبقي ديماً جنبي ولا اخاف يوم تضيعي

لو علي السما ها ارسملك سما بأحساسي
حتي الـسحاب ها اكتب عليها مش ناسي
انك صحيح كلك حنان ومعني كل الحب
ملاك ولو ملكيش جناح عطرك بأنفاسي

حتي لو ديماً قصادي ياملاكي بتوحشيني
مهما شاف الناس ده عادي بيزيد حـنيني
اصلهم مجربوش يعني ايه يحبوا مــلاك
لو هقول مليون بحبك ياتري ها تسمعيني

ماهر فريد