منتدى الفرح المسيحى

من حقى إنى أعيش اللى أحس به فى ضميرى وما يتفرضش علىّ ضمير حد تانى.

من حقى إنى آخد قراراتى بنفسى.

من حقى إنى أرفض أى شئ أنا مش مستعدة له دلوقت.

... من حقى إنى أرفض أى شئ ضد مبادئى أو أحس إنه خطر أكتر من اللازم.

من حقى إنى أحمى نفسى من أى سلوك خطر أو من أى شئ يهيننى ومن أى كلمة تجرحنى.

من حقى إنى ما أثقش فى الناس إلا اللى أحس إنهم يستاهلوا للثقة.

من حقى أوافق على كل اللى بيساعدنى أنمو وأنضج.

من حقى إنى أصدق الناس اللى أنا مقتنعة بيهم وما أصدقش اللى مش مقتنعة بيهم.

من حقى إنى أتوب وأتغير وأغير أرائى.

من حقى إنى أحس بالطفلة اللى جوايا وأحترمها.

من حقى إنى أشعر بمشاعرى أياً كانت وأعبر عنها.

من حقى إنى أشعر بالحزن والاحباط على اللى راح منى أو اللى ما حصلتش عليه.

من حقى إنى أغضب حتى على اللى بأحبهم لو ما إحترموش حقوقى وإحتياجاتى.

من حقى إنى أغفر للناس ولنفسى.

من حقى إنى أخاف وإنى أتطمن.

من حقى إنى أحزن وإنى أفرح مهما كانت مشاعر الناس اللى حوالىّ.

من حقى إنى أطالب باللى أنا عايزاه حتى لو عارفة إنى مش حأحصل عليه ... التعبير لوحده حيفيدنى.

من حقى إنى أهتم بنفسى.

من حقى إنى أكون مختلفة عن اللى حوالىّ.

من حقى إنى أتعلم وإنى أتغير وإنى أكبر فى كل وقت وفى أى وقت
أنا كمان مش عبدة لحقوقى .. من حقى إنى أتنازل عن حقى
لكن لو فى يوم إتنازلت عن حقى ده حيكون لأنى مختارة كده مش مضطر وعلشان أنا شايفة إن ده كويس مش علشان ما أزعلش حد.