منتدى الفرح المسيحى

عيون رافضه تقابل بعضها
عيون جواها ألـــف حكايه
ومليون كلمه عاوزة تطلعها
ومواضيع كتير بتحكى فيها

عيـــــون ... عيون انا بحبها
عيــــون .... انـــا عشتـــها
عيـــــون كــانت فرحـــــانه
والنهـارده انــــا غيرتهــــا

عيـــون غــاليــه اوى عليـــا
عيـــون فيهـــا كــل الحنيـه
عيون بتقتلنى فى كل نظره
وبتلومنى على كل تصرف ليا

عيون بتجرحنى بنظراتها
و بتـــدبحنى بكلمـــاتها
عيون كل دقيقه تبص بعتاب
خلتنى اختفيت من قدامها
و استخبيت ورا البــــاب

عيون كنت بفرح لما اشوفها
عيون ديما كنت بصـــارحها
عيون يـــامــه فـــرحتــنى
عيون بقيت بستخبى منها

خايـــفه تعاتبنى
او بنظراتها تقتلنى
او فى لحظه تخوفنى
لانها اغلى ما عندى

يا عيون اغلى الناس عندى
يا عيون غاليه على قلبى
بلاش تحزنى وتعاتبينى
وارجعى افرحى وحياه غلوتى

يا عيون اغلى الناس بلاش تعاتبينى
يا عيون بحبها بلاش تندمينى
انتى عارفه غلوتك عندى
بس بنظراتك مش هتغيرنى

نفسى تصرخ وتعلى صوتك
وتطلع كــــل اللى جـــــواك
بلاش تكتم ده كله فى قلبك
بلاش فى عيونك تعلن صمتك

مستنياك تعاتبنى وتخرج اللى جواك
وتفرح بقى وتفرحنى كمان ويـــــاك
ونقول عادت ايامانا ســـــوا !!!!!!!!!
ويا عالم بكـــره ايه مسيرنــا ؟؟؟؟؟

يمكن يكون مــــوت
او لحظــــات سكــوت
او يجيلى هبــــوط
وتيجى على قبرى وتفووووت