منتدى الفرح المسيحى - أسرتك وصية 🙏 أسرتك مصنع قديسين ✨

صممت تشتكي جوزها قدام الناس😏
..البابا تواضروس يعلق تصرف مفهوش حكمة❌
قداسة البابا تواضروس

مرة كنت في قداس ⛪
وقاعد بوزّع البركة كويس 🙏
وكان القداس زحمة، فكنت بوزّع على الرجالة
والستات هنا واحد وهنا واحد علشان نمشي بسرعة 👥

فجت واحدة ست ووقفت جنبي كده 😐
مستنية الناس تنصرف لغاية ما جه دورها

أنا كنت ضيف في الكنيسة دي 🤍
بديهم البركة وبقول لهم ربنا معاكم علشان يمشوا بسلام ✨

وقفت تقولّي:
عايزة أشتكيلك فلان 😔

قلت لها: طيب ما تخليها بعدين
قالت: لا، عايزة أشتكيلك دلوقتي ❗

يا ستي أنا ضيف هنا وعايز الناس تمشي بالسلام 🙏
مفيش فايدة… وبدأت تقول الشكوى وهو واقف قدامي 😞

وأنا بحاول أخرج من الموقف بأي طريقة علشان أحميه منها 💔
وهي مصممة تقول الشكوى

هل ده عقل؟ هل دي حكمة؟ 🤔

أنتِ جرحتي زوجك قدامي 💔
وأنا يمكن هقف معاكم نص دقيقة
لكن الجرح ده هيفضل ❗
انتبهي… انتبهي لكده ⚠️

---

ومرة زوجة راحت لأُسرة زوجها تشتكيه 😔
شكاوى عادية من الحياة اليومية، لكن كررت الموضوع كتير

ولما الزوجة تشتكي زوجها لأهله
يبقى كأنها بتكسره قدامهم 💔

في يوم قال لها بلطف:
أنتِ اشتكيتيني مرة واتنين وتلاتة
وكل مرة كنتِ بتكسريني قدام أسرتي 😞

وفي يوم لما تحتاجيني
هتلاقيني مكسور ومش قادر أسندك 🥀

فاهمين؟ واخدين بالكم؟

لازم الواحد يكون ناصح 🧠
لازم يكون حكيم ✨
لازم ما ينطقش بكلمة إلا بوصية 🙏

---

علشان كده بنقول:
الأسرة كتاب مقدس يحوي حياة الصلاح 📖✨

يا بخت الزوج والزوجة
اللي يقعدوا قدام الإنجيل 🤍
حتى لو آية واحدة

يتكلموا فيها 🕊️
يتأملوا فيها 🌿
يتعلموا منها 📖
ويعلموها لأولادهم 👶

يا سلام… يا بخت البيت ده 🏡
يا بخت الولاد والبنات
اللي بيكبروا وكلمة الله في ودانهم ✝️
اللي هي روح وحياة 💫

---

مرة قبل ما أبقى بطريرك
زرت أسرة في دولة أجنبية 🌍
وخَلّوني أعيش معاهم شوية

كان عندهم ولد وبنت 👧👦
والبنت عندها 14 سنة وعندها سكر 💉

قالوا لي: تفضل العشاء 🍽️
وقبل العشاء قالوا:
تحب نقرأ الإنجيل قبل ولا بعد؟ 📖

قلت: قبل العشاء
خمس دقايق كأنها صلاة 🙏

اتفاجئت إننا قعدنا نتكلم في الإنجيل
من الساعة 9 للساعة 11 😲✨

كلام وتأمل وفهم ومشاركة 🤍
كأننا شبعنا خلاص… ومش محتاجين عشاء 💫

وقمنا واتعشينا علشان تطمّنوا بس 😄

كل يوم كانوا يعملوا كده 📖
كل يوم بيتهم إنجيل ✝️

---

أسرتك تبقى إنجيل مفتوح 📖
مش أي حاجة تانية

أسرتك وصية 🙏
أسرتك مصنع قديسين ✨