منتدى الفرح المسيحى - نجيت رجلى من الزلق

أول مرة امبارح أخد بالي من الأية دي 👇
لأَنَّكَ نَجَّيْتَ نَفْسِي مِنَ الْمَوْتِ. نَعَمْ، وَرِجْلَيَّ مِنَ الزَّلَقِ،
لِكَيْ أَسِيرَ قُدَّامَ اللهِ فِي نُورِ الأَحْيَاءِ. (المزامير ٥٦: ١٣)
في ترجمة تانيه جاية:
لِأنَّكَ مِنَ المَوْتِ أنقَذتَ نَفْسِي. وَحَفِظتَ مِنَ التَّعَثُّرِ قَدَمَيَّ.
لِكَي أمشِيَ فِي حَضْرَةِ اللهِ فِي نُورِ الأحيَاءِ.
التعثر، أو الكعبلة ... ممكن ماتكونش خطايا كبيرة،
لكن حاجات يومية بسيطة، كلمة زيادة، تنازل بسيط، تأجيل طاعة..🤷‍♂️
داود بيشكر ربنا مش علشان بس أنقذه بعد ما وقع،
لكن علشان حفظه قبل ما يقع..🙏
كم مرة كنت ممكن تتكعبل في الطريق،
وأنت ما تعرفش، لكن إيد الرب كانت سنداك..
علشان كده النتيجة مش بس نجاة، لكن سلوك...👣
يمكن أكتر نعمة في حياتك، إنك مشيت،
من غير ما تقع، لأن الرب كان حافظ رجليك..💜