منتدى الفرح المسيحى - الأعمال دي هي اللي بتخلينا "أصدقاء" للسماء

اصْنَعُوا لَكُمْ أَصْدِقَاءَ بِمَالِ الظُّلْمِ،
حَتَّى إِذَا فَنِيتُمْ يَقْبَلُونَكُمْ فِي الْمَظَالِّ الأَبَدِيَّةِ."
(لوقا 16: 9)

تعالي نشوف ايه حكاية الآية دي وتفسيرها 👇🏻
مال الظلم: مش معناه المال المسروق،
للا، دا وصف للمال الأرضي عموماً لأنه "خداع"
وممكن يخلي الإنسان يظلم نفسه أو غيره لو اتكل عليه،
وهو مال فاني عكس الكنوز السماوية.

المظال الأبدية:
المقصود بيها الملكوت أو البيوت السماوية اللي بتدوم للأبد.

تعالي بقي نبسط الحكاية عشان نفهمها صح 👇🏻

السيد المسيح هنا مش بيشجعنا على الظلم،
لكن بيدينا درس ذكي جداً في "الاستثمار"
بيقولنا إن الفلوس والممتلكات اللي في إيدينا دي "فانية"
ومش هناخدها معانا.
فبدل ما نكنزها،
نستخدمها صح في عمل الخير،
ومساعدة المحتاجين، وخدمة الآخرين.
لأن الأعمال دي هي اللي بتخلينا "أصدقاء" للسماء.
يعني لما بنستخدم اللي في إيدينا عشان نبارك غيرنا،
إحنا بنحول المال الأرضي "الظالم"
لعمل صالح بيبني لنا مكان في الأبدية.
فبدل ما المال يملكنا،
إحنا اللي بنسخره عشان نضمن حياة أبدية.
الدنيا.