منتدى الفرح المسيحى - متسمحش لقلبي يتلوّث بأذى الناس

يارب
متسمحش لقلبي يتلوّث بأذى الناس،
ولا يوصلوني لـ القسوة غصب عنّي.
خلّي قلبي نضيف زي ما خلقته،
ميعرفش الكره ولا يشيل حقد،
حتى لو اتوجع ألف مرة.
يــارب
إحميني من إنّي أبقى شبه اللي وجعوني،
ومن إنّ الأذى يغيّر ملامحي من جوّه.
طهِّر قلبي كل مرة يتعب،
واغسله بحنيتك لما الدنيا تقسّى عليّ،
ومتسيبش الخيبة تكسّر فيّ حاجة حلوة.
خلّيني أعدّي…
من غير ما أسيب ورايا سواد،
ولا جوايا وجع متعفّن.
خلّيني أطلع من كل خذلان
أنضف، أهدى، وأقرب ليك.

لأنك معين من ليس له معين 🙏