منتدى الفرح المسيحى - حول مرارة الصبر لحلاوة استجابة

يا رب..
بنرفع لك النهاردة كل اللي واقفين في مرحلة الانتظار..
صبّر القلوب اللي شافت أحلامها بتتأجل شهر ورا شهر،
وفهمهم إنك مش "متأخر"، إنت "بترتب" الأجمل.. 🥰

اسند الأيادي اللي تعبت من الخبط على الأبواب المقفولة،
وافتح لهم من عندك باب ماكنش يخطر ليهم على بال..🚪

طيّب خاطر اللي بيشوفوا الفرحة في عيون غيرهم،
وبيحاولوا يبتسموا وهما من جواهم بيسألوا: هو يا ترى دورنا هيجي امتى؟..🙏

بنطلب منك نعمة، ومعونة وثبات..💜
وخلّي كل يوم في الشهر ده يكون خطوة تقربهم من الوعد♥️
حوّل انتظارهم لانتصار، ومرارة صبرهم لحلاوة استجابة
وفرح قلوبهم بيك قبل ما تفرحهم بالعطية. آمين.