منتدى الفرح المسيحى - الراضي ربنا بيراضيه فى أي حتة واللي مش راضي دنيته ضيقة عليه فى كل حتة

https://upload.chjoy.com/uploads/172990174490931.jpg

فيه جملة بتقول :
" الراضي ربنا بيراضيه فى أي حتة
واللي مش راضي دنيته ضيقة عليه فى كل حتة ".

مفيش مرة هترضى فيها بوضع صعب أو تجربه
إلا وهتلاقي ربنا مقدرك تستحملها
وبيراضي قلبك في جوانب تانية في حياتك
مفيش مرة هترضى بأمر واقع أو فقدان عزيز إلا وهتلاقي ربنا بيعزيك ويطبطب على قلبك ..
وعلى النقيض مفيش مرة ها تتزمر على حالك وتبقى مش راضي على التجارب اللي بتواجهك إلا وهتلاقي قلبك دايما مهموم وروحك تعبانة ونفسيتك في النازل والدنيا حواليك ضيقة رغم وسعها

ربنا يرفع عنا الهموم والتجارب
ويعطينا ان نشكره فى كل حين
وعلى كل حال ويعوض لنا عن السنين التى اكلها الجراد✨✝