منتدى الفرح المسيحى - قول لقلوبهم المتعبة لسه في حياة ولسه في أمل ولسه فيّ أنا

والأصعب يا رب ناس وصلوا لمرحلة
ما بقاش فارق معاهم حد… ولا حاجة… ولا حتى نفسهم.
ناس اتسحبت منهم الرغبة واحدة واحدة،
وبقوا عايشين بالجسد بس… من غير طعم ولا شغف.

ناس فرحها اتاخد منها غصب،
وحياتها اتسرقت تحت مسمّى التعب، الخسارة، والوجع الطويل.
ضحكتهم بقت ذكرى،
وحماسهم بقى سؤال: “ليه نكمّل؟”

رجعلهم يا رب اللي اتسلب منهم،
مش بس الفرح…
رجعلهم الإحساس، الرغبة، الدافع،
رجعلهم معنى الصبح، وسبب القيام.

هوّن عليهم تقَل الأيام،
وإلمس الأماكن اللي ماتت جواهم،
وقول لقلوبهم المتعبة:
لسه في حياة… ولسه في أمل… ولسه فيّ أنا.🙏🏻💔