منتدى الفرح المسيحى - العدرا ما سابتناش هي بس سبقتنا وسابتلنا طريق واضح

https://upload.chjoy.com/uploads/171520389703441.jpg

نياحة_السيدة_العذراء
مشهد نياحة العذراء مكنش فيه حزن صاخب..
ولا صراخ وداع..
ولا خوف من النهاية..
المشهد كله هدوء..
كأن السماء نزلت على الأرض..
مش عشان تاخد..
لكن علشان تستقبل..
اللي حملت الله في أحشائها..
دلوقتي بتُحمل على أذرع الملايكة..
واللي عاشت حياتها كلها في الصمت..
بتدخل المجد من غير دوشة..
نياحة العذراء مش قصة موت..
دي قصة اكتمال..
حياة اتعاشت كاملة..
طاعة من غير جدال..
إيمان من غير شروط..
وحب ما طلبش مقابل..
علشان كده الكنيسة ما بتبكيش انهارده..
الكنيسة بتبص لفوق..
بتفتكر إن اللي قالت "ليكن لي كقولك"..
لسه بتعلمنا لحد دلوقتي..
إزاي نسلّم..إزاي نثق..وإزاي نكمّل..
العدرا ما سابتناش..
هي بس سبقتنا...
وسابتلنا طريق واضح..
طريق الطاعة اللي يوصل للحياة..